Աբրահամ Խաշմանյան․ Ամեն ինչ անելու ենք մեր երկրպագուներին ուրախացնելու համար

Այսօր՝  հուլիսի  24-ին,  Ավանի  ՀՖՖ  տեխնիկական  կենտրոնում  տեղի  ունեցավ  <<Ալաշկերտ>>-ի  գլխավոր  մարզիչ  Աբրահամ  Խաշմանյանի  նախախաղային  մամուլի  ասուլիսը  <<Ստյաուա>>-ի հետ  դիմակայությունից  առաջ։

Կարծում  եմ,  որ  պատրաստ  ենք,  ու    թիմը  լավ  տրամադրություն  ունի,  թիմը  կփորցի  ամեն  ինչ  անել  ուրախացնելու  մեր  երկրպագուներին  այս  դիմակայությունում  և  ինչ  որ   տեղ  հասնել  հաջողության։  Պետք  է  նաև  չմոռանալ  մրցակցի  գործոնը ,  ում  ուսումնասիրել  ենք,  ներկայացնելու  առանձնակի  կարիք  չկա  այդ  թիմին,  որը  շատ  բարձրակարգ  ակումբ է,  և մեր  մյուս  ակումբների  մրցակիցների  համեմատ  ամենաուժեղ  ակումբն  է  բաժին  հասել  մեզ։

Մենք  նույնպես  ունենք  բարձրակարգ  ֆուտբոլիստներ,  թե  ազգային  հավաքականում  հանդես  եկող,  թե  երիտասարդական  հավաքականում  հանդես  եկող,  և  ունենք  բարձրակարգ  լեգյոներներ, ու  այս  ամենը  խոսում է  թիմի  լավ  պատրաստվածության  մասին,   մենք  պատրաստ  ենք  և  կարծում  եմ վաղը  բարձրակարգ  ֆուտբոլ  կլինի,   նշել  է  <<Ալաշկերտ>>-ի  գլխավոր  մարզիչ  Աբրահամ  Խաշմանյանը։

Հիշեցնենք,  որ  վաղը  Ավանի  ՀՖՖ  տեխնիկական կենտրոնում  տեղի  կունենա  Եվրոպա լիգայի  որակավորման  երկրորդ  փուլի  <<Ալաշկերտ>>-<<Ստայուա>>  հանդիպումը։

Թողնել պատասխան

Ձեր էլ-փոստի հասցեն չի հրապարակվելու։ Պարտադիր դաշտերը նշված են *-ով