Հայաստանի բարձրագույն խումբ․ «Գանձասար»-ը ոչ-ոքի ավարտեց հանդիպումը «Նոա»-ի հետ

Այսօր՝  օգոստոսի  3-ին,  Ավանի  ՀՖՖ  տեխնիկական  կենտրոնում  տեղի  ունեցավ  Հայաստանի  բարձրագույն  խմբի,  1-ին  տուրի «Գանձասար»(Կապան)  —  «Նոա» (Երևան)  հանդիպումը։

Առաջին  խաղակեսն  անցավ՝   բավականին   հետաքրքիր,  լարված  և  կոպիտ  պայքարում,  չնայած  երկուստեք  վտանգավոր  պահերին,  առաջին  խաղակեսում  այդպես  էլ  հաշվի  մեջ  փոփոխություններ  չգրանցվեցին,  0-0։

Երկրորդ  խաղակեսը  անցավ  էլ  ավելի  հետաքրքիր  և  դիտարժան  պայքարում։  Հանդիպման  69-րդ  րոպեին,  հանդիպման  մրցավարը  կոպիտ  խաղի  արդյունքում  11  մետրանոց  հարված է  նշանակում  «Գանձասար»-ի  դարպասին,  որն  էլ  հստակորեն  իրացրեց  «Նոա»-ի  հարձակվող՝  Մաքսիմ  Մայրովիչը,  0-1։

Գոլից  հետո  «Գանձասար»-ի  ֆուտբոլիստները  ակտիվուվություն  դրսևորելով  կարողացան  83-րդ  րոպեին  հավասարեցնել  հանդիպման  հաշիվը, «Գանձասար»-ի  կազմում անչափ  գեղեցիկ  գոլի  հեղինակ  դարձավ՝  Ուբեյմար  Անգուլոն,  1-1։

Հանդիպումն  ավարտվեց  մարտական  ոչ-ոքի՝  1-1  հաշվով,  կիսելով  միավորները  միմյանց  միջև։