ԵԼ․ «Արարատ-Արմենիա»-ն պարտվեց Երևանում

Այսօր՝ օգոստոսի  6-ին,  Երևանի  Վազգեն Սարգսյանի  անվան «Հանրապետական»  մարզադաշտում  տեղի  ունեցավ  Եվրոպա  լիգայի  որակավորման   3-րդ  փուլի՝  «Արարատ-Արմենիա»  Երևան — «Սաբուրթալո»  Թբիլիսի  հանդիպումը։

Առաջին  խաղակեսն  անցավ  ինչպես  և  սպասվում  էր  բավականին  հետաքրքիր  և  դիտարժան  պայքարում։   Խաղակեսի  31-րդ  րոպեին  «Արարատ-Արմենիա»-ի  ֆուտբոլիստները  կարողացան  առաջ  անցնել  հաշվի  մեջ,  երևանյան  ակումբի  կազմում  Դմիտրի  Գուզի  փոխանցումից  հետո գոլի  հեղինակ  դարձավ՝  Անտոն  Կոբյալկոնը՝ 1-0։

Երկրորդ  խաղակեսն  արդեն  այլ  ընթացք  ունեցավ  երևանյան  ակումբի  համար,  «Սաբուրթալո»-ի  ֆուտբոլիստները   կարողանալով  տիրել  խաղային  նախաձեռնությանը   73-րդ  րոպեին   հավասարեցրին  հանդիպման  հաշիվը,  գոլի  հեղինակ՝  Սանդրո  Ալթունաշվիլի՝  1-1։  Երեք  րոպե  անց  վրացական  ակումբի  ֆուտբոլիստները  կարողացան   նաև  առաջ  անցնել  հաշվի  մեջ,  դիրքային  գրոհի  արդյունքում   «Սաբուրթալո»-ի  կազմում  գոլի  հեղինակ  դարձավ՝  Լեվան  Կենիանը՝  1-2։

Խաղի  մնացած  ժամանակահատվածում  հաշվի  մեջ  փոփոխություն   չգրանցվեց,  և  «Արարատ-Արմենիա»-ն    պարտվելով  մրցակցինէ 1-2 հաշվով,  դժվարացնում  է  հաջորդ  փուլի  ուղեգիր  նվաճելու  խնդիրը։

Հիշեցնենք,  որ  այս  դիմակայության  պատասխան    հանդիպումը  տեղի  կունենա  օգոստոսի  14-ին,  Վրաստանի  մայրաքաղաք՝  Թբիլիսիում։