Հայաստանի Բարձրագույն խումբ. «Փյունիկը» հաղթեց խոշոր հաշվով

Այսօր՝ օգոստոսի 11-ին,  Երևանի  «Բանանց»  մարզադաշտում  տեղի ունեցավ  Հայաստանի  Բարձրագույն խմբի, 2-րդ  տուրի  «Ուրարտու» (Երևան) — «Փյունիկ» (Երևան)  ֆուտբոլային հանդիպումը։

Բարձրագույն  խմբի, 2-րդ տուրի  վերջին հանդիպումն անցավ  հյուրերի  խաղային  բացահայտ  առավելությամբ,  չնայած, որ  1-ին  խաղակեսում  հաշիվը  չբացվեց և  ավարտվեց  0-0։

Երկրորդ խաղակեսում  «Փյունիկի»  ֆուտբոլիստները  մեծացնելով  ճնշումը մրցակցի նկատմամբ,  խաղի  78-րդ  րոպեին կարողացան բացել  հանդիպման հաշիվը, գոլի հեղինակ՝ Արտակ  Եդիգարյան։  «Փյունիկի»   ֆուտբոլիստներից  շատ  ժամանակ  չպահանջվեց  հանդիպման  հաշիվը  կրկնապատկելու  համար,  82-րդ  րոպեին, գոլի հեղինակ՝ Արթուր  Միհրանյան, 0-2։  Խաղավերջում, մրցավարի  ավելացված  ժամանակի  առաջին  րոպեին  Արտյոմ  Սիմոնյանը  երրորդ  գնդակն ուղարկեց «Ուրարտուի»  դարպասը ,  հաղթանակը  դարձնելով  էլ ավելի  տպավորիչ։

Երևանի «Փյունիկը»  հաղթեց «Ուրարտու»-ին  խոշոր՝  0-3  հաշվով և վաստակեց  այս մրցաշարի առաջին  երեք  միավորը։