ՉԼ. «Այաքսը» Լոնդոնում ոչ-ոքի ավարտեց խաղը «Չելսիի» հետ

ՈւԵՖԱ-ի  Չեմպիոնների լիգայի խմբային  փուլի  4-րդ  տուրում, Լոնդոնի «Սթեմֆորդ Բրիջ»  մարզադաշտում «Չելսին»  հյուրընկալեց  Ամստերդամի «Այաքսին»։

Ֆանտաստիկ և խելահեղ պայքարում անցած հանդիպմանը  խփվեց ութ գոլ,  թիմերը  միմյանց  դարպասը ուղարկել են  4-ական գնդակ, որոնցից երկուսը  11- մետրանոց  տուգանային  հարվածից, իսկ  ևս  երկու  գոլ  գրանցվել է  տանտերերի  ինքնագոլերով։ Հանդիպման 68-րդ  րոպեից  սկսած «Այաքսի» ֆուտբոլիստները խաղադաշտում մնացին իննը  հոգով,  բայց  դա  չխանգարեց  հոլանդական ակումբի  ֆուտբոլիստներին մարտական  ոչ-ոքիով  հեռանալ Լոնդոնից։

Հանդիպումն ավարտվեց  խելահեղ՝ 4:4  հաշվով, իսկ H խմբում «Այաքսը», «Չելսին» և «Վալենսիան» վաստակած  7 միավորներով կիսում են առաջին  հորիզոնականը,  ստեղծելով խմբում  հզոր եռիշխանություն։ Խմբի կայացած մյուս խաղում «Վալենսիան»  4-1  հաշվով հաղթել է  ֆրանսիական «Լիլին»։