Պրեմիեր Լիգա. «Լիվերպուլը» գեղեցիկ հաղթանակ տոնեց «Մանչեսթեր Սիթիի» նկատմամբ

Ֆուտբոլի Անգլիայի Պրեմիեր լիգայի 12-րդ տուրի կենտրոնական խաղում,  «Լիվերպուլը»  «Էնֆիլդ»  մարզադաշտում հյուընկալել էր «Մանչեսթեր Սիթիին»,  և հաղթել  3-1 հաշվով։

Հանդիպման հենց  սկզբում տանտերերը կարողացան արագ  գոլի շնորհիվ առաջ  անցնել  հաշվի  մեջ,  հեռահար հարվածով գեղեցիկ գոլի հեղինակ  դարձավ՝  Ֆաբինիոն, 1:0։ Քիչ անց  Մուհամեդ  Սալահը  Էնդի Ռոբերթսոնի  գեղեցիկ  փոխանցումից  հետո  հաշիվը կրկնապատկելով, այն դարձրեց 2:0:

Երկրորդ խաղակեսի  սկզբում «մերսիսայցիները»  նաև  երրորդ  գնդակն ուղարկեցին  «քաղաքայինների»   դարպասը,  գոլի հեղինակ՝  Սադիո Մանե։  Խաղավարտից  15 րոպե  առաջ  «Մանչեսթեր Սիթիի»  ֆուտբոլիստները կարողացան խփել միայն հեղինակության  գնդակ  և  խաղն ավարտել  3-1  հաշվով, գոլի հեղինակ՝ Բերնարդու Սիլվա։

Այս  հաղթանակից  հետո  «Լիվերպուլը»  վաստակեց 34  միավոր և ամրապնդվեց Պրեմիեր լիգայի  առաջատարի  դիրքում, «Մանչեսթեր Սիթին»  25 միավորով 4-րդ հորիզոնականում է։

Թողնել պատասխան

Ձեր էլ-փոստի հասցեն չի հրապարակվելու։ Պարտադիր դաշտերը նշված են *-ով