Հայաստանի Բարձրագույն խումբ. «Արարատը» ոչ-ոքի ավարտեց հանդիպումը «Գանձասար-Կապանի» հետ

Կարճատև  դադարից  հետո  վերսկսվեց  ֆուտբոլի Հայաստանի  Բարձրագույն խմբի հանդիպումները,  իսկ  14-րդ տուրի մեկնարկային խաղում, Երևանի Վազգեն Սարգսյանի անվան  «Հանրապետական»  մարզադաշտում,  Երևանի  «Արարատը»  հյուրընկալեց  «Գանձասար-Կապանին»։

Հանդիպման  առաջին խաղակեսում  խփվեց միայն մեկ  գնդակ,  16-րդ  րոպեին «Գանձասար-Կապանի» կազմում  գոլի հեղինակ  դարձավ՝ Էմիլ Եղիազարյանը, 0-1:  Առաջին խաղակեսի  ընթացքում երկու  թիմերն էլ  հնարավորություն  ունեին  հաշվի մեջ  փոփոխություն մտցնելու, սակայն  թիմերին դա  չհաջողվեց և ընդմիջման գնացին հյուրերի նվազագույն առավելությամբ։

Երկրորդ  խաղակեսը  անցավ էլ ավելի համառ և  անզիջում պայքարում, «Արարատի» ֆուտբոլիստները միայն հանդիպման ավելացված  ժամանակում կարողացան  խուսափել պարտությունից, հանդիպման մրցավարը վիճելի իրավիճակում  11-մետրանոց տուգանային  հարված նշանակեց  կապանցիների դարպասին, որն էլ  հստակորեն իրացրեց  Ալեքսանդր Կոզլովը։ Հանդիպումն ավարտվեց  մարտական ոչ-ոքի՝ 1-1 հաշվով։

Այս  հանդիպումից հետո  «Արարատը»  վաստակած 27  միավորով ժամանակավորապես  գլխավորեց Բարձրագույն խմբի  մրցաշարային աղյուսակը,  «Գանձասար-Կապանը»  11 միավորով նախավերջին տեղում է։

 

Թողնել պատասխան

Ձեր էլ-փոստի հասցեն չի հրապարակվելու։ Պարտադիր դաշտերը նշված են *-ով