ԱՊԼ.«Արսենալը» տանը ոչ-ոքի ավարտեց խաղը «Սաութհեմփթոնի» հետ

Անգլիայի Պրեմիեր լիգայի 13-րդ տուրում,  «էմիրեյթս» մարզադաշտում, Լոնդոնի «Արսենալը»  ընդունեց  «Սաութհեմփթոնին»,  խաղն ավարտվեց, ոչ-ոքի 2-2 հաշվով։

Հանդիպման հենց  խաղասկզբում երկու  թիմերը  արագ գոլով  փոխանակվեցին,  նախ 8-րդ  րոպեին  հյուրերից  Դենի Ինգսը  բացեց  հանդիպման հաշիվը, իսկ  տասը րոպե  անց  Ալեքսանդր Լակազետեն  հավասրեցրեց  գոլերի թվային հավասարակշռությունը։

Երկրորդ  խաղակեսում  հյուրերը  կրկին  առաջ  անցան հանդիպման  հաշվի մեջ, 71-րդ  րոպեին գոլի հեղինակ դարձավ՝  Ջեյմս Վարդ Փրոուսը, 1-2:  «Արսենալի»  ֆուտբոլիստները  միայն  մրցավարի  ավելացված ժամանակում կարողացան  խուսափել պարտությունից,  Ալեքսանդր  Լակազետեի  դուբլի շնորհիվ  զինագործները  ոչ-ոքի  ավարտեցին անչափ լարված  հանդիպումը։

Այս  խաղից  հետո «Արսենալը» վաստակած 18 միավորով մրցաշարային աղյուսակի  7-րդ  հորիզոնականում է։  «Սաութհեմփթոնը» 9 միավորով միայն  նախավերջինն է։

Թողնել պատասխան

Ձեր էլ-փոստի հասցեն չի հրապարակվելու։ Պարտադիր դաշտերը նշված են *-ով