Հայաստանի Բարձրագույն խումբ. «Լոռի ՖԱ»-ն Վանաձորում հաղթեց չեմպիոն՝ «Արարատ-Արմենիային»

Հայաստանի ֆուտբլի Բարձրագույն խմբի 14-րդ  տուրում, Վանաձորի  ֆուտբոլի ակադեմիայում  «Լոռին»  հյուրընկալեց «Արարատ-Արմենիային»։

Առանց  երկրպագուների անցած հանդիպմանը հաշիվը բացվեց  հենց խաղասկզբում, «Արարատ-Արմենիայի» պաշտպանների կոպիտ  սխալի հետևանքով 10-րդ րոպեին Ռուսլան Զաերկոն գոլով պատժեց  հյուրերին՝ 1-0:  Թիմերը  առաջին խաղակեսի ընթացքում  այլևս  ոչ մի լուրջ պահ չստեղծելով, գնացին ընդմիջման՝ 1։0 հաշվով։

Երկրորդ  խաղակեսում  «Արարատ-Արմենիայի»  ֆուտբոլիստները  ավելացրեցին  ճնշումը  մրցակցի նկատմամբ, սակայն  հանդիպման 68-րդ րոպեին  գոլը խփեցին «Լոռիի» ֆուտբոլիստները, գոլի հեղինակ՝ Լուիս Մատեուս, 2-0:  Հանդիպման մնացած ժամանակահատվածում  այլևս գոլեր  չգրանցվեցին,  և «Լոռին»  հաղթեց  2:0 հաշվով։

Այս  հաղթանակից հետո  «Լոռին»  վաստակեց 25 միավոր  և կիսում է  4-րդ  հորիզոնականը «Շիրակի»  հետ, «Արարատ-Արմենիան» 26 միավորով 2-րդ հորիզոնականում է։

Թողնել պատասխան

Ձեր էլ-փոստի հասցեն չի հրապարակվելու։ Պարտադիր դաշտերը նշված են *-ով