ՈՒԵՖԱ. Եվրոպայի աղջիկների Մ-19 հավաքականների որակավորման փուլի 8-րդ խմբի խաղերը կանցկացվի Հայաստանում…

ՀՖՖ պաշտոնական կայքը տեղեկացնում է, որ Եվրոպայի կանանց Մ-19 առաջնության որակավորման փուլի 8-րդ խմբի մրցաշարը տեղի կունենա Հայաստանում:

Նոյեմբերի 29-ին շվեյցարական Նիոն քաղաքում կայացավ Եվրոպայի կանանց Մ-17 և Մ-19 հավաքականների որակավորման փուլի վիճակահանությունը։

Հայաստանի աղջիկների Մ-17 հավաքականը ընդգրկվել է 5-րդ խմբում, որտեղ կմրցի Իսպանիայի, Ռուսաստանի և Բուլղարիայի հասակակիցների հետ։ Այդ խմբի խաղերը կանցկացվեն Բուլղարիայում ՝ 2020 թվականի հոկտեմբերի 1-ից 8-ը։

Հայաստանի աղջիկների Մ-19 հավաքականը վիճակահանության արդյունքում հայտնվել է 8-րդ խմբում, որտեղ կմրցի Շվեյցարիայի, Հյուսիսային Իռլանդիայի և Թուրքիայի հավաքականների հետ։ Եվրոպայի աղջիկների Մ-19 հավաքականների որակավորման փուլի 8-րդ խմբի խաղերի անցկացումը ՈՒԵՖԱն վստահել է Հայաստանի ֆուտբոլի ֆեդերացիային։ Որակավորման հանդիպումները կանցկացվեն Հայաստանում՝ 2020 թվականի հոկտեմբերի 21-ից 27-ը։

Թողնել պատասխան

Ձեր էլ-փոստի հասցեն չի հրապարակվելու։ Պարտադիր դաշտերը նշված են *-ով