Seria A. Մխիթարյանի գոլը նպաստեց «Ռոմայի» վստահ հաղթանակին

Ֆուտբոլի Իտալիայի A Seria-ի առաջնության 14-րդ տուրում «Ռոման» արտագնա խաղում հյուընկալվեց «Վերոնային» և  դժվարին պայքարում  հաղթեց 1։3 հաշվով: 

Առաջին խաղակեսի 17-րդ րոպեին խաղի հաշիվը բացեց «Ռոմայի» կիսապաշտպան Ջասթին Կլյույվերտը, որից հետո 21-րդ րոպեին հաշիվը հավասարեցրեց «Վերոնայի» պաշտպան Դավիդե Ֆարաոնին, հանդիպման 45-րդ րոպեին  «Ռոման» վաստակեց 11-մետրանոց տուգանային հարված իրացնելու իրավունք, որն էլ անվրեպ իրացրեց  Դիեգո Պերոտին  հաշիվը դարձնելով՝  1։2: Հենց այս հաշվով էլ թիմերը գնացին հանգստի:

Երկրորդ խաղակեսը ևս հետաքրքիր պայքարում անցավ, 67-րդ րոպեին խաղադաշտ մտավ Հայաստանի ազգային հավաքականի  ավագ՝ Հենրիխ Մխիթարյանը, ով ավելացված երկրորդ րոպեին (90+2) գեղեցիկ գոլով վերջակետ դրեց հանդիպմանը:

Սա Իտալիայի A Seria-ի ընթացիկ առաջնությունում Մխիթարյանի երկրորդ գոլն էր:

Հիշեցնենք,  որ այս հաղթանակից հետո «Ռոման» հավաքած 28 միավորով  չորրորդ տեղում է:   Վերոնան  18 միավորով 8-րդն է։