«Բարսելոնան» և «Ատլետիկոն» շարունակում են պայքարել Էդիսոն Կավանիի տրանսֆերը ձեռք բերելու համար

«Բարսելոնայի» նախկին հարձակվող բրազիլացի Ռիվալդոն կարծում է, որ ՊՍԺի 32ամյա ուրուգվայցի հարձակվող Էդինսոն Կավանին կարող է լավ ամրապնդում լինել կատալոնական թիմի համար և արժանի փոխարինող Լուիս Սուարեսին, ով վնասվածք է ստացել և մոտ 4 ամիս կբացակայի: 

«Կավանին հիանալի հարձակման ուժեղացում կլինի «Բարսելոնայի» համար: Կավանին թոփ հարձակվող է, ով միշտ հասել է իր նպատակին Եվրոպայի լավագույն առաջնություններում:  Թվում է, որ նա իսկապես մտադիր է հեռանալ ՊՍԺ-ից:  Սա շատ լավ հնարավորություն է «Բարսելոնայի» համար»․ ասել է Ռիվալդոն:

Ավելի վաղ հաղորդվում էր, որ Կավանիով հետաքրքրվում էին «Մանչեսթեր Յունայթեդը» և մադրիդյան «Ատլետիկոն»:

Եվ իսկապես Մադրիդի «Ատլետիկոն» մտադիր է ձեռք բերել ուրուգվայցի 32-ամյա հարձակվող Էդինսոն Կավանիին:

«Ատլետիկոն» ֆուտբոլիստի համար ՊՍԺ-ին առաջարկում է վճարել 15 միլիոն եվրո, ևս 3 միլիոն եվրո բոնուս: 

Նախկինում հաղորդվում էր, որ ՊՍԺն Կավանիի համար 20 միլիոն եվրո է պահանջել:

Մրցաշրջանի ավարտին Կավավանին կստանա ազատ գործակալի կարգավիճակ:

Այս մրցաշրջանում Կավանին ՊՍԺի կազմում անցկացրել է 14 խաղ, դարձել 5 գոլի և 1 գոլային փոխանցման հեղինակ: 

 

 

Թողնել պատասխան

Ձեր էլ-փոստի հասցեն չի հրապարակվելու։ Պարտադիր դաշտերը նշված են *-ով