Սերիա Ա. «Ռոման» խոշոր հաշվով հաղթանակ տոնեց «Լեչչեի» նկատմամբ

Իտալիայի Ա Սերիայի  25-րդ  տուրում «Ռոման» սեփական հարկի  տակ  հյուրընկալեց «Լեչչեին» և վստահ  հաղթանակ  տոնեց մրցակցի  նկատմամբ՝ 4։0 հաշվով։

Առաջին խաղակեսի 12-րդ  րոպեին Հենրիխ Մխիթարյանի գերազանց  փոխանցումից հետո  խաղի  հաշիվը  բացեց թուրք՝  Չենգիզ ՈՒնդերը,  իսկ  37-րդ  րոպեին  Էդին Ջեկոյի փոխանցումից հետո արդեն  գոլի  հեղինակ  դարձավ  Հայաստանի ազգային հավաքականի  ավագ՝  Հենրիխ  Մխիթարյանը, 2։0։

Հանդիպման երկրորդ  խաղակեսի  69-րդ  րոպեին «Ռոմայի»  կազմում  գոլով  աչքի  ընկավ   Էդին  Ջեկոն, իսկ 10 րոպե  անց  հաշիվը ավելի խոշոր՝ 4։0 դարձրեց  Ալեքսանդր  Կոլարովը։

Այս հաղթանակից հետո «Ռոման»  վաստակած 42  միավորով ամրապմդվեց  մրցաշարային աղյուսակի 5-րդ  հորիզոնականում։  «Լեչչեն»  25  միավորով  16-րդ  հորիզոնականում է։