Հայաստանի Բարձրագույն խումբ. «Նոան» գոլառատ խաղում հաղթեց «Փյունիկին»

Ֆուտբոլի Հայաստանի  Բարձրագույն խմբի 17-րդ տուրի  շրջանակներում Երևանի  «Նաիրի» մարզադաշտում  «Նոա» ՖԱ-ն գոլառատ խաղում, 4:2 հաշվով հաղթեց Երևանի «Փյունիկին»։

Հանդիպման  հենց  սկզբից տանտերերը  երկու  գնդակ ուղարկեցին  «Փյունիկի» դարպասը, 2-րդ  րոպեին  հաշիվը բացեց Միխայիլ Կովալենկոն, իսկ 13-րդ րոպեին հաշիվը կրկնապատկեց՝ Վլադիմիր Ազարովը 2։0։ «Փյունիկի»  ֆուտբոլիստները  առաջին խաղակեսի վերջում  Արաս Օզբիլիսի  հստակ  իրացրած 11-մետրանոց  տուգանային հարվածի շնորհիվ կրճատեցին հաշվի  տարբերությունը,  իսկ  երկրորդ  խաղակեսի 56-րդ  րոպեին  Օզբիլիսը  իր  հաշվին  դուբլ  ձևակերպեց, 2։2։ Այնուամենայնիվ «Նոա» ՖԱ-ն խաղավերջում կարողացավ  երկու  գնդակ  ուղարկել  Ռոման Բերեզովսկու գլխավորած  թիմի  դարպասը, գոլերի հեղինակներ՝ Դանու Սպարտառու 61′, և Վլադիմիր Ազարով  84’։

Այս հաղթանակից  հետո «Նոա» ՖԱ-ն վաստակեց 27 միավոր և ամրապնդվեց  մրցաշարային աղյուսակի 6-րդ  հորզոնականում։ «Փյունիկը» 23 միավորով  7-րդն է։