Բարձրագույն խումբ. «Ալաշկերտը» սեփական հարկի տակ հաղթեց «Արարատին»

Հայաստանի ֆուտբոլի  Բարձրագույն խմբի լավագույն վեցնյակի  19-րդ  տուրի  վերջին  հանդիպումը  տեղի ունեցավ  Երևանի «Նաիրի»  մարզադաշտում «Ալաշկերտի» և «Արարատի» միջև։

Առաջին  խաղակեսում  տանտերերը  երկու  անպատասխան  գնդակ  ուղարկեցին  «Արարատի» դարպասը, նախ՝ 19-րդ  րոպեին  Ալեքսանդր  Գլիշիչը  բացեց հանդիպման հաշիվը,  իսկ  42-րդ  րոպեին  հաշիվը կրկնապատկեց  Միտրևսկին, 2։0։

Երկրորդ  խաղակեսում տուգանային հրապարակում  վերջին  հույսի  խախտման համար «Ալաշկերտի» կազմում  դաշտից  հեռացվեց Վահագն Հայրապետյանը, իսկ  11-մետրանոց  տուգանային հարվածը հյուրերի կազմում հստակորեն  իրացրեց՝  Դենիս Դեդեչկոն,  2։1։  Հանդիպման մնացած ժամանակահատվածը անցավ  հավասար պայքարում  և դարպասի գրավում այլևս  չգրանցվեց։

Այս  հաղթանակից հետո  «Ալաշկերտը» վաստակեց  34 միավոր  և բարձրքցավ մաքուր  երկրորդ  հորիզոնական։ Երևանի  «Արարատը»  31 միավորով  5-րդ հորիզոնականում է։