NEWS.am Sport . ՄԼՍ-ից արգենտինացի փլեյմեյքերը կհրավիրվի Հայաստանի հավաքական (Տեսանյութ)

NEWS.am Sport-ին հայտնի է դարձել, որ Հայաստանի հավաքականի գլխավոր մարզիչ Խոակին Կապառոսը տեսադաշտում է հայտնվել հայկական արմատներ ունեցող արգենտինացի փլեյմեյքեր Լուկաս Սելարայանը:

Իսպանացի մասնագետն արդյունավետ զրույց է ունեցել 27-ամյա ֆուտբոլիստի հետ, որը հունվարին համալրել է ՄԼՍ-ը ներկայացնող «Կոլամբուս Կրյու» ակումբի կազմը, և արդեն հասցրել է բացել իր գոլերի հաշիվը նոր առաջնությունում:

Սելարայանի տրանսֆերն ամերիկյան ակումբին արժեցել է 7 միլիոն դոլար, ինչը տրանսֆերային ռեկորդ է համարվում կոլամբուսի համար:

Լուկաս Սելարայանը կարիերան սկսել է արգենտինական «Բելգրանո» ակումբում, 2016 թվականին տեղափոխվել է մեքսիկական «Տիգրես», որի կազմում 2 անգամ դարձել է Մեքսիկայի չեմպիոն:

Վերոնշյալ ակումբների կազմում հայկական արմատներով արգենտինացի կիսապաշտպանն անցկացրել է ավելի քան 200 պաշտոնական հանդիպում, դարձել 34 գոլի ու 20 արդյունավետ փոխանցման հեղինակ:

Տեսանյութում կարող եք տեսնել, թե ինչպես է խաղում Սելարայանը:

Թողնել պատասխան

Ձեր էլ-փոստի հասցեն չի հրապարակվելու։ Պարտադիր դաշտերը նշված են *-ով