Բարձրագույն խումբ. «Նոա» ՖԱ-ն տնային խաղում հաղթեց «Լոռի»-ին

Ֆուտբոլի  Հայաստանի Բարձրագույն խմբի 24-րդ  տուրում  «Նոա» ՖԱ-ն  «Նաիրի» մարզադաշտում հյուրընկալեց  Վանաձորի «Լոռի»-ին։

Առաջին խաղակեսը  անցավ  տանտերերի տարածքային և խաղային բացահայտ  առավելությամբ, ինչի  արդյունքում 33-րդ  րոպեին «Նոա»-ի կազմում Դանուս Սպատառուն գլխի  գեղեցիկ հարվածով  բացեց հանդիպման հաշիվը, իսկ 37-րդ րոպեին  հաշիվը կրկնապատկեց  Ռոկաս Կռուսնուսկասը, 2։0։

Երկրորդ  խաղակեսում  «Լոռին»  ամբողջ  ուժով նետվեց  առաջին խաղակեսի  կորցրածը  հետ  բերելու,  87-րդ րոպեին Ջոնել  Դեսիրեն  գլխի  հարվածով  կրճատեց  հաշվի հավասարակշռությունը նվազագույնի, սակայն խաղը  նրանց փրկել  այդպես էլ  չհաջողվեց։

Այս խաղից  հետո «Նոան»   վաստակեց  39 միավոր և բարձրացավ մրցաշարային աղյուսակի  3-րդ  հորիզոնական։  Վանաձորյան թիմը  36 միավորով նահանջեց 5-րդ տեղ։