Մեսսին ու Ռոնալդուն կդառնան թիմակիցնե՞ր. Տևեսը պատմական խաղ է նախատեսել

«Բոկա Խունիորսի» հարձակվող Կառլոս Տևեսը պատմել է, թե ում է հրավիրելու մասնակցել իր հրաժեշտի խաղին:

«Այդ թիմում են լինելու Ձանլուիջի Բուֆֆոնը, Ռիո Ֆերդինանդը, Ուգո Իբարան, Պատրիս Էվրան, Գաբրիել Հայնցեն, Փոլ Սքոուլզը, Անդրեա Պիրլոն, Պոլ Պոգբան, Ուեյն Ռունին, Կրիշտիանու Ռոնալդուն և Լիոնել Մեսսին:

Կարիերաս ավարտելու ժամկետ չեմ նշի, որ կախված չլինեմ իմ խոսքերից:

Բնականաբար, Արգենտինայում խաղալու եմ միայն «Բոկայի» կազմում, սակայն կցանկանայի վերադանալ «Վեսթ Հեմ», որպեսզի կես տարի ինձ մեծարեին: Եվրոպայում հանդես եկած թիմերից ամենաշատը հենց «Վեսթ Հեմն» եմ սիրում»,- 36-ամյա ֆուտբոլիստի խոսքերն է մեջբերում Marca-ն:

Հիշեցնենք, որ Տևեսը Մեսսիի հետ խաղացել է Արգենտինայի հավաքականում, իսկ Կրիշտիանու Ռոնալդուի հետ` «Մանչեսթեր Յունայթեդում»: Համաշխարհային ֆուտբոլի այդ երկու գերաստղերը երբեք թիմակիցներ չեն եղել:

Թողնել պատասխան

Ձեր էլ-փոստի հասցեն չի հրապարակվելու։ Պարտադիր դաշտերը նշված են *-ով