Եվրոպա լիգայում հայկական երեք թիմերի խաղերը տարբեր ժամերի են նշանակված

ՈւԵՖԱ-ն կողմնորոշվել է Եվրոպա լիգայի որակավորման առաջին փուլի հանդիպումների ժամկետների հարցում: Հանդիպումների մեծ մասը կայանալու են օգոստոսի 27-ին: Հայկական երեք թիմերն իրենց խաղերը կանցկացնեն այդ օրը: ՈւԵՖԱ-ն հանդիպումներն այնպիսի ժամերի է նշանակել, որ խաղերը զուգահեռ չլինեն:

Առաջինը մրցասպարեզ է դուրս գալու Հայաստանի գավաթակիր «Նոան», որը հյուրընկալվելու է «Կայրաթին»: Ղազախստանում կայանալիք հանդիպումը մեկնարկելու է Երևանի ժամանակով 18:00-ին:

20:00-ին Երևանում սկսվելու է «Ալաշկերտի» և մակեդոնական «Ռենովայի» միջև հանդիպումը:  Նույնիսկ եթե այդ խաղում լրացուցիչ ժամանակ նշանակվի, միևնույն է հնարավոր կլինի ամբողջությամբ դիտել «Շիրակի» արտագնա խաղը «Ստյաուայի» հետ:

Ռումինիայում կայանալիք մրցավեճը մեկնարկելու է Երևանի ժամանակով 22:30-ին:

Թողնել պատասխան

Ձեր էլ-փոստի հասցեն չի հրապարակվելու։ Պարտադիր դաշտերը նշված են *-ով