Հայաստանի 3 ծանրորդ պատրաստվում են Ուզբեկստանի անկախությանը նվիրված խոշոր մրցաշարին

Հայաստանի 3 ծանրորդ պատրաստվում են  մասնակցելու  Ուզբեկստանի անկախությանը  նվիրված ծանրամարտի հեռավար խոշոր  մրցաշարին։

Ուզբեկստանի  Հանրապետության  ծանրամարտի ֆեդերացիան և  Ուզբեկստանի ազգային օլիմպիական կոմիտեն օգոստոսի 28-30-ը  կազմակերպում են ծանրամարտի առաջին հեռավար  մրցաշարը։

Ինչպես հայտնում են ՀԱՕԿ-ի լրատվական ծառայությունից, այս մրցաշարում Հայաստանը կներկայացնեն  3 ծանրորդ՝  Անդրանիկ Կարապետյանը (89 կգ),  Սամվել Գասպարյանը (102 կգ) և  Վարազդատ Լալայանը (109 կգ)։

Ներկայումս  3 ծանրորդները Հայաստանի ծանրամարտի հավաքականի կազմում  մարզական հավաք են անցկացնում  Աբովյանի  մարզահամալիրում, որտեղից էլ  առցանց տարբերակով  հանդես են  գալու  Ուզբեկստանի  անկախությանը  նվիրված 1-ին հեռավար մրցաշարին։