ՊԱՇՏՈՆԱԿԱՆ. Դավիդ Սիլվան վերադարձավ Լա Լիգա

«Մանչեսթեր Սիթիի» կիսապաշտպան Դավիդ Սիլվան կարիերան շարունակելու է  Իսպանիայում: 35-ամյա ֆուտբոլիստը պայմանագիր է ստորագրել «Ռեալ Սոսյեդադի» հետ:

Բասկյան ակումբի պաշտոնական կայքը տեղեկացնում է, որ համաձայնագիրը նախատեսված է 2 տարի ժամկետով: Նա «Ռեալ Սոսյեդադին» միանում է ազատ խաղացողի կարգավիճակով, քանի որ սպառվել է «քաղաքայինների» հետ պայմանագրի ժամկետը:

Ավելի վաղ հայտնի էր դարձել, որ Սիլվան «Լացիոյի» հետ 3 տարվա պայմանագիր է համաձայնեցրել, ըստ որի տարեկան կստանար 3 միլիոն եվրո, գումարած պարգևավճարներ: Հետո գործարքը խափանվել է:

Իսպանացուն նաև Քաթարից առաջարկել են 2 տարվա պայմանագիր, որոնց ընթացքում նա 20 միլիոն եվրո կվաստակեր: Բացի այդ, «Վալենսիա» վերադառնալու տարբերակ նույնպես դիտարկվել է:

Թողնել պատասխան

Ձեր էլ-փոստի հասցեն չի հրապարակվելու։ Պարտադիր դաշտերը նշված են *-ով