Գերմանիա – Իսպանիա խաղում որոշիչ գոլ 90+5 րոպեին (տեսանյութ)

Մեկնարկեց Ազգերի լիգայի 2020-2021թթ. խաղարկությունը: Առաջին տուրի կենտրոնական մրցավեճում մրցեցին աշխարհի նախկին չեմպիոններ Գերմանիան ու Իսպանիան: Շտուտգարտում գրանցվեց 1:1 հաշվով ոչ-ոքի:

51-րդ րոպեին Ռոբին Գոսենսի փոխանցումից հետո հաշիվը բացեց «Չելսիի» նորեկ Տիմո Վերները: Միայն դրանից հետո «ֆուրիա ռոխան» ուշքի եկավ և սկսեց ավելի շատ գրոհել:

Իսպանացիները փրկվեցին 90+5 րոպեին, երբ Ֆերրան Տորեսսի բարձրից փոխանցումից հետո օդային պայքարը հաղթեց Ռոդրիգո Մորենոն և դարպասի դիմաց հայտնված Խոսե Գայան անարգել գրավեց դարպասը:

A լիգայի 4-րդ խմբի մյուս խաղում Ուկրաինան Անդրեյ Յարմոլենկոյի ու Ալեքսանդր Զինչենկոյի գեղեցիկ գոլերի շնորհիվ 2:1 հաշվով առավելության է հասել Շվեյցարիայի նկատմամբ:

Թողնել պատասխան

Ձեր էլ-փոստի հասցեն չի հրապարակվելու։ Պարտադիր դաշտերը նշված են *-ով