Մխիթարյան և Հայաստանի առաջնություն. Կայացավ Armenian-Soccer Awards 2020 մրցանակաբաշխությունը (լուսանկարներ)

Սեպտեմբերի 15-ին Երևանի Holiday Inn հյուրանոցում Inecobank-ի անմիջական աջակցությամբ հանդիսավոր կերպով տեղի ունեցավ Armenian-Soccer Awards 2020թ․-ի մրցանակաբաշխությունը։

Մրցանակաբաշխությունը նման ֆորմատով անցավ երկրորդ տարին անընդմեջ։ Հյուրերի թվում էին Հայաստանի ֆուտբոլի ֆեդերացիայի ներկայացուցիչները, հայկական ակումբների մարզիչները, Հայաստանի հավաքականի նախկին և ներկայիս կազմի խաղացողներ Արթուր Եդիգարյանն ու Արաս Օզբիլիզը։ Պարգևատրվեցին Armenian-Soccer.com կայքի վարկածով Հայաստանի 2019/20 մրցաշրջանի առաջնության լավագույն գոլերի հեղինակները, ինչպես նաև 2019/20 մրցաշրջանի լավագույն հայ ֆուտբոլիստը, Հայաստանի առաջնության լավագույն ֆուտբոլիստն ու մարզիչը։

Հայաստանի առաջնության լավագույն գոլի հեղինակին ընտրել էին Հայաստանի Պրեմիեր լիգայի ակումբների ներկայացուցիչները, մարզիչները, ինչպես նաև ԶԼՄ-ների ներկայացուցիչներն ու Armenian-Soccer-ի փորձագիտական խումբը։ Առաջին շրջանի լավագույն գոլի մրցանակը ստացավ «Գանձասար-Կապանի» կիսապաշտպան Դավիթ Մինասյանը, երկրորդ շրջանի լավագույն գոլի համար պարգևատրվեց ներկայումս «Արարատում» հանդես եկող, իսկ նախորդ մրցաշրջանում «Շիրակի» հարձակվող Մորի Կոնեն։ Առաջնության եզրափակիչ փուլի և ամբողջ առաջնության լավագույն գոլի մրցանակը ստացավ Երևանի «Նոայի» կիսապաշտպան Կիրիլ Բոռը։

2019/20 մրցաշրջանի լավագույն հայ ֆուտբոլիստին, ինչպես նաև Հայաստանի 2019/20 մրցաշրջանի առաջնության լավագույն ֆուտբոլիստին ու մարզչին ընտրել էին ֆուտբոլասերները՝ Armenian-Soccer.com կայքում կազմակերպված հարցման միջոցով։

2019/20 մրցաշրջանի լավագույն հայ ֆուտբոլիստ ճանաչվեց Հայաստանի հավաքականի և իտալական «Ռոմայի» կիսապաշտպան Հենրիխ Մխիթարյանը։ Ակնկալվում է, որ Մխիթարյանի մրցանակը կհանձնվի ֆուտբոլիստին հոկտեմբերին, երբ նա միանա ազգային հավաքականի հավաքին։

Հայաստանի 2019/20 մրցաշրջանի առաջնության լավագույն ֆուտբոլիստի մրցանակը հանձնվեց «Արարատ-Արմենիայի» կիսապաշտպան Մաիլսոն Լիմային։ Իսկ Պրեմիեր լիգայի մրցաշրջանի լավագույն մարզիչ ճանաչվեց «Նոայի» գլխավոր մարզիչ Իգոր Պիկուշչակը։

Բացառությամբ Մխիթարյանի, մյուս մրցանակակիրներն իրենց մրցանակները՝ կայքի լոգոտիպով ոսկեջրած արձանիկները, ստացան միջոցառման ընթացքում։

 

ԿԱՊ

Հասցե՝ Քաղաք Երևան, Ջ.Անդրանիկի 8/50
Գովազդի համար՝ +374 98132398
[email protected]

ՄԵՆՔ ՍՈՑՑԱՆՑԵՐՈՒՄ

Գտեք մեզ սոցցանցերում, հավանեք մեր էջերը և հետևեք մեր գործունեությանը

>

Թողնել պատասխան

Ձեր էլ-փոստի հասցեն չի հրապարակվելու։ Պարտադիր դաշտերը նշված են *-ով

Հայկականֆուտբոլ

armenianfutball

sport

armsport

ararat-armenia

armenia

fotbol

ծանրամարտ

ըմբշամարտ

Հայկականսպորտ

armfutball

Հայկականֆուտբոլ/armenianfutball/sport/armsport/ararat-armenia/armenia/fotbol/ծանրամարտ/ըմբշամարտ/Հայկականսպորտ/armfutball