0-2 հաշվից հետո հաղթանակ և մարզային դերբի. մեկնարկեց Հայաստանի գավաթի խաղարկությունը

Հայաստանի գավաթի խաղարկությունը մեկնարկել է երկու հանդիպումներով: Չարենցավանում «Վանն» ընդունել է նորաստեղծ «Նորավանքին»: Գրանցվել է 0:0 հաշվով ոչ-ոքի:

Երկու թիմերն էլ գոլ խփելու մի քանի պահեր են ունեցել: Դրվագներից մեկում եղեգնաձորցիների կիսապաշտպան Կարեն Խատուևի հիանալի հարվածից հետո տանտերերին փրկել է հորիզիոնական դարպասաձողը:

Զուգահեռաբար ընթացող խաղում «Վեստ Արմենիան» կամային, անակնկալ հաղթանակի է հասել «Գանձասար-Կապանի» նկատմամբ: Առաջին կեսում «արջերի» կազմում դուբլի հեղինակ է դարձել Դավիթ Մինասյանը: Ընդմիջումից հետո «Վեստ Արմենիան» հաղթանակ է կորզել: Գոլերի հեղինակ են դարձել Սարգիս Բալոյանը, Եվգենի Կասյանովը և 86-րդ րոպեին Չարլզ Իկեչուկվուն: Նիգերացուն գոլ խփելու համար ապշեցուցիչ «նվեր» կատարել Աշոտ Քոչարայնը:

Պատասխան խաղերի ժամկետները դեռ հայտնի չեն:

Թողնել պատասխան

Ձեր էլ-փոստի հասցեն չի հրապարակվելու։ Պարտադիր դաշտերը նշված են *-ով