«Բավարիան» կամային հաղթանակ տարավ և դարձավ ՈՒԵՖԱ-ի սուպերգավաթակիր (տեսանյութ)

Bayern Munich's German goalkeeper Manuel Neuer and his teammates celebrate with the trophy after the UEFA Super Cup football match between FC Bayern Munich and Sevilla FC at the Puskas Arena in Budapest, Hungary on September 24, 2020. (Photo by BERNADETT SZABO / POOL / AFP)

Բուդապեշտում կայացել է ՈՒԵՖԱ-ի Սուպերագավաթի խաղը, որում մրցել են Չեմպիոնների լիգայի գավաթակիր «Բավարիան» ու Եվրոպա լիգայի չեմպիոն «Սևիլյան»: Հիմնական ժամանակն ավարտվել է 1:1 հաշվով, իսկ լրացուցիչում մյունխենցիները կարողացել են գոլ խփել ու 2:1 հաշվով հաղթանակ տոնել:

13-րդ րոպեին իսպանացիները 11-մետրանոց հարվածի իրավունք են ստացել, որը հստակորեն իրացրել է Լուկաս Օկամպոսը: 34-րդ րոպեին գերմանական թիմի գեղեցիկ կոմբինացիայի ժամանակ Ռոբերտ Լևանդովսկին դեպի հետ փոխանցում է կատարել և Լեոն Գորետցկան հավասարեցրել է հաշիվը:

Հաղթական գոլը գրանցվել է 104-րդ րոպեին, երբ անկյունայինի խաղարկումից հետո գլխի հարվածով աչք է ընկել կիսապաշտպան Խավի Մարտինեսը:

Այսպիսով, «Բավարիան» իր պատմության ընթացքում 2-րդ անգամ նվաճեց ՈւԵՖԱ-ի Սուպերգավաթը:

Թողնել պատասխան

Ձեր էլ-փոստի հասցեն չի հրապարակվելու։ Պարտադիր դաշտերը նշված են *-ով