ՊԱՇՏՈՆԱԿԱՆ. «Արարատ-Արմենիա» – «Ցրվենա Զվեզդա» խաղը տեղափոխվեց ուրիշ երկիր

ՈւԵՖԱ-ն փոխել է Եվրոպա լիգայի որակավորման վերջին` փլեյ-օֆֆ փուլի «Արարատ-Արմենիա» – «Ցրվենա Զվեզդա» հանդիպման վայրը:

ՈւԵՖԱ-ի պաշտոնական կայքից տեղեկանում ենք, որ խաղը կայանալու է Կիպրոսում` Նիկոսիայի GSP մարզադաշտում: Հոկտեմբերի 1-ին կայանալիք մրցավեճը մեկնարկելու է Երևանի ժամանակով 21:00-ին:

Հանդիպման վայրի փոփոխման պատճառ է դարձել Արցախում սկսված պատերազմը:

Նախապես ծրագրված էր, որ մրցավեճը կկայանա Երևանում: ՈւԵՖԱ-ն էլ հայտարարել է, որ չի ծրագրում փոխել վայրը, սակայն մտափոխվել է:

Նշենք, որ GSP Stadium-ում տնային խաղերն է անցկացնում Օմոնիան, որը Չեմպիոների լիգայում պայքարից դուրս է թողել «Արարատ-Արմենիային» և «Ցրվենա Զվեզդային»:

Թողնել պատասխան

Ձեր էլ-փոստի հասցեն չի հրապարակվելու։ Պարտադիր դաշտերը նշված են *-ով