FAF. «50-ից ավել ֆաֆականներ արդեն կամավորագրվել և մեկնել են Արցախ»
«Հայաստանի առաջին ճակատ» ֆուտբոլային ուլտրասը հայտարարություն է տարածել.
«Սիրելի ընկերներ,
Առաջին հայկական ճակատի բոլորը անդամները տարատեսակ աշխատանքներով են զբաղված պատերազմական գործողությունների սկսվելու առաջին ժամերից։
Մի քանի տասնյակ ֆաֆականներ այս պահին գտնվում են պարտադիր ժամկետային ծառայության մեջ, իսկ հիսունից ավել ֆաֆականներ արդեն կամավորագրվել կամ զինկոմիսարիատների միջոցով մեկնել են ծառայության Արցախի հանրապետություն։
Բազմաթիվ ֆաֆականներ կամավորական աշխատանքներ են իրականացնում ՊՆ սննդի ապահովման պահեստներում։
Երեկ մեր միջոցով կազմակերպվել է տասից ավելի երեխաների և ծնողների տեղափոխում Ստեփանակերտից Երևան։
Կազմակերպում ենք անհրաժեշտ պարագաների հավաքագրում և տեղափոխում առաջնագիծ։
Ունենք բազմաթիվ կամավորներ, ովքեր պատրաստ են իրենց ընտանիքներում ընդունել Արցախից եկած հայությանը։
Այս պահին իրականացնում ենք ՝
Կամավորներ հավաքագրում
Սնունդի, առաջին անհրաժեշտ պարագաների, ծխախոտի, էլեմենտների, հագուստի հավաքագրում
Գումարի հավաքագրում Ստեփանակերտ-Երևան տեղափոխման մեքենաների վառելիքի ծախսերի համար (գումարով օժանդակելու համար՝ կարող եք գրել էջին)։
Աշխատանքները համակարգող խմբի հետ կարող եք կապ հաստատել հետևյալ հեռախոսահամարներով ՝
094144183
093484928
093030507 ։