Արցախի պաշտպանության մարտերում զոհվել է «Ուրարտուի» նախկին ֆուտբոլիստը

Արցախա-ադրբեջանական սահմանին ընթացող թեժ մարտերում արիաբար զոհվել է «Բանանց-2»-ի (այժմ՝ «Ուրարտու-2») նախկին ֆուտբոլիստ, 1998 թվականին ծնված Դավիթ Բաբայանը։ Նա հանդիսանում էր «Ուրարտուի» սան:

Երևանյան ակումբի կազմում Դավիթը հանդես է եկել մինչև 2017 թվականը, այնուհետև տեղափոխվել է «Արցախ» ֆուտբոլային ակումբ։ Սովորել Հայաստանի Ֆիզիկական կուլտուրայի և սպորտի պետական ինստիտուտում, որից հետո զորակոչվել է Հայոց բանակ։

««Ուրարտու» ֆուտբոլային ակումբը կիսում է ծանր կորստյան վիշտն ու իր զորակցությունը հայտնում Դավիթ Բաբայանի ընտանիքի անդամներին, հարազատներին ու ծառայակիցներին»,- գրված է ակումբի հայտարարություններում:

Թողնել պատասխան

Ձեր էլ-փոստի հասցեն չի հրապարակվելու։ Պարտադիր դաշտերը նշված են *-ով