Հայաստանի երիտասարդական հավաքականը պարտվեց 0:10 հաշվով

Եվրոպայի երիտասարդական առաջնության ընտրական փուլի 8-րդ տուրում Հայաստանի Մ21 հավաքականը հյուրընկալվեց Շվեդիայի իր հասակակիցների թիմին: Անտոնիո Ֆլորեսի գլխավորած թիմը պարտվեց խայտառակ` 0:10 հաշվով:

Հեթ-տրիկի հեղինակ են դարձել Յեսպեր Կարլսոնը և Էմիլ Հանսոնը,  դուբլ է ձևակերպել Պաուլոս Աբրահամը: Մեկական անգամ էլ աչքի են ընկել Սվանտե Ինգելսոնը և Ամին Սարը:

Հայաստանի երիտասարդական հավաքականը 3 միավորով մնացել է 1-ին խմբի նախավերջին տեղում: Նույնքան միավոր ունի նաև հետնապահ Լյուքսեմբուրգը: Շվեդիան 15 միավորով երրորդն է:

Թողնել պատասխան

Ձեր էլ-փոստի հասցեն չի հրապարակվելու։ Պարտադիր դաշտերը նշված են *-ով