Հայաստանի հավաքականը ոչ-ոքի խաղաց Տալլինում (տեսանյութ)

Ազգերի լիգայի C դիվիզիոնի խմբային փուլի 4-րդ տուրում կայացավ Էստոնիա – Հայաստան հանդիպումը: Արձանագրվեց 1:1 հաշվով ոչ-ոքի:

Երկրորդ անընդմեջ խաղում Խոակին Կապառոսի թիմն արագ գոլ խփեց: Տիգրան Բարսեղյանի փոխանցումից հետո գլխի հարվածով հավաքականում իր առաջին գոլը խփց Կամո Հովհաննիսյանը:

Ընդամենը 6 րոպե անց Ռաունո Սապինենը պատասխան գոլը խփեց, երբ անկյունայինի խաղարկման ժամանակ առանց հսկողության էր մնացել:

Զուգահեռաբար կայացած խմբի մյուս` Հյուսիսային Մակեդոնիա – Վրաստան մրցավեճում նույնպես 1:1 հաշվով ոչ-ոքի գրանցվեց:

Այսպիսով, մրցաշարային աղյուսակում փոփոխություններ չկատարվեցին: Հայաստանի հավաքականը 5 միավորով երրորդ տեղում է: Մակեդոնացիներն ու վրացիներն ունեն  6-ական միավոր, իսկ Էստոնիան` 2:

Թողնել պատասխան

Ձեր էլ-փոստի հասցեն չի հրապարակվելու։ Պարտադիր դաշտերը նշված են *-ով