Ազգերի լիգա. Հայաստանի հավաքականը արտագնա խաղում հաղթեց վրացիներին

Ֆուտբոլի Ազգերի լիգայի խաղարկության C դիվիզիոնի 2-րդ խմբում՝  Վրաստանի  ընտրանին  սեփական  հարկի  տակ  հյուրընկալեց  Հայաստանի  ազգային հավաքականին։

Հետաքրքիր և  դիտարժան պայքարում անցած  առաջին խաղակեսում  խփվեց ընդամենը մեկ գոլ,  33-րդ րոպեին հյուրերի կազմում  գեղեցիկ հակագրոհից հետո հանդիպման  հաշիվը  բացեց  թիմի  ավագ՝  Գևորգ  Ղազարյանը, 0։1։

Երկրորդ խաղակեսում  վրացի ֆուտբոլիստները  կարողացան  հավասարեցնել  հանդիպման հաշիվը, վաստակած  11-մետրանոց   տուգանային հարվածը  հստակորեն իրացրեց՝  Վալերի Քազեիշվիլին, 1։1։

Այնուամենայնիվ այս  խաղի  հաղթական գնդակը խփվեց  հանդիպման 86-րդ  րոպեին, Տիգրան Բարսեղյանի  գեղեցիկ փոխանցումից հետո գոլի հեղինակ դարձավ  երկարատև վնասվածքից  հետո հավաքական վերադարձած՝ Սարգիս Ադամյանը,  1։2։

Այսպիսով, վերջին տուրից առաջ  Հայաստանի և  Հյուսիսային Մակեդոնիայի ընտրանիները վաստակել են 9-ական միավոր, և վերջին  տուրում  կվիճարկեն խմբի առաջին հորիզոնականը։

Նույն խմբում կայացած Հյուսիսային Մակեդոնիա – Էստոնիա  հանդիպումը  ավարտվել է  2։1 հաշվով։

ArmenianEnglishRussian