Արմեն Մելիքբեկյան. «VAR-ը մեր շատ խնդիրների լուծման ճանապարհն է»

ՀՖՖ-ի նախագահ Արմեն Մելիքբեկյանը մամուլի ասուլիսի ժամանակ խոսեց Հայաստանի առաջնությունում տեսակրկնությունների համակարգ (VAR) տեղադրելու ծրագրերի մասին:

«Եթե այս տարի Հայաստանում չլիներ նման  տնտեսական իրավիճակ, գուցե արդեն ակտիվորեն ներդնեինք VAR համակարգը: Ունեինք անգամ հանձնաժողով, որը VAR-ի հարցերով էր զբաղվում:

Հիմա հասկանում ենք, որ VAR-ը շատ խնդիրների լուծման ճանապարհն է: Հաջորդ տարվա մեկնարկից փորձելու ենք դարձյալ վերադառնալ այդ համակարգի քննարկումներին:

Մեր հնարավորությունները վերջնական գնահատելով` փորձելու ենք հասկանալ վերջնաժամկետը, երբ մենք կկարողանանք VAR-ը ներմուծել և դրանով իսկ աջակցել մեր մրցավարներին: Դա այսօր մեր առաջնահերթություններից է»,- հայտարարեց Մելիքբեկյանը:

Թողնել պատասխան

Ձեր էլ-փոստի հասցեն չի հրապարակվելու։ Պարտադիր դաշտերը նշված են *-ով