Լևանդովսկին ճանաչվեց 2020 թվականի աշխարհի լավագույն ֆուտբոլիստ

ՖԻՖԱ-ն անցկացրեց 2020 թվականի լավագույնների մրցանակաբաշխությունը: Աշխարհի լավագույն ֆուտբոլիստ ճանաչվեց «Բավարիայի» հարձակվող Ռոբերտ Լևանդովսկին:  Լեհ ֆուտբոլիստը ՖԻՖԱ-ի նախագահ Ջաննի Ինֆանտինոյից ստացավ The Best մրցանակը:

Թեկնածուների եռյակում էին նաև Լիոնել Մեսսին («Բարսելոնա») և Կրիշտիանու Ռոնալդուն («Յուվենտուս»):

Լավագույն դարպասապահի մրցանակը ստացավ «Բավարիայի» դարպասապահ Մանուել Նոյերը:

Հիշեցնենք, որ 2020 թվականին մյունխենյան թիմը դարձել է Չեմպիոնների լիգայի ու Բունդեսլիգայի հաղթող, ինչպես նաև Գերմանիայի գավաթի, Գերմանիայի սուպերգավաթի և ՈւԵՖԱ-ի սուպերգավաթի չեմպիոն: Լևանդովսկին դարձավ Չեմպիոնների լիգայի ու Բունդեսլիգայի լավագույն ռմբարկուն:

Լավագույն կին ֆուտբոլիստուհի ճանաչվեց Լյուսի Բրոնզը («Մանչեսթեր Սիթի», Անգլիա):

Թողնել պատասխան

Ձեր էլ-փոստի հասցեն չի հրապարակվելու։ Պարտադիր դաշտերը նշված են *-ով